مسئلہ فلسطین کے پائیدارحل کیلئے اپنے بھائیوں کی حمایت جاری رکھیں گے،آرمی چیف

آرمی چیف جنرل عاصم منیر نے کہا ہے کہ فلسطینی عوام کوقوم کی مکمل سفارتی،اخلاقی اورسیاسی حمایت حاصل ہے، اس مسئلے کےپائیدارحل کیلئےاپنے فلسطینی بھائیوں کی حمایت جاری رکھیں گے۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیرکی زیرصدارت جی ایچ کیو میں 260ویں کورکمانڈرزکانفرنس ہوئی، جس میں مستونگ،ہنگواورژوب حملوں کےشہداءکےایصال ثواب کیلئےفاتحہ خوانی کی گئی، اور سکیورٹی فورسزاورقانون نافذکرنےوالے اداروں کی قربانیوں کوزبردست خراج تحسین کیا گیا۔
بیان کے مطابق کورکمانڈرز کانفرنس میں غیرقانونی سرگرمیوں کیخلاف جاری کارروائیوں،خطےکی صورتحال،سلامتی کودرپیش چیلنجزاورجوابی حکمت عملی کے متعلق بریفنگ دی گئی۔
آئی ایس پی آر کے مطابق شرکا کانفرنس نےملکی خودمختاری،علاقائی سالمیت کےدفاع کیلئےپاک فوج کےعزم کااعادہ کرتے ہوئے کہا کہ پاکستان کوغیرمستحکم کرنےکیلئےدشمنوں کےاشارےپرکام کرنےوالوں سےطاقت سے نمٹیں گے،دہشتگردوں،ان کے سہولت کاروں اورحوصلہ افزائی کرنےوالے عناصر کیخلاف ریاست طاقت سےنمٹےگی۔
آرمی چیف نے کہا کہ معیشت کی بحالی کیلئےاقدامات کیلئےہرممکن معاونت فراہم کی جائےگی،ذخیرہ اندوزی،سمگلنگ مافیازاورکارٹلز کیخلاف کارروائیاں مزیدتیزکی جائیں گی،ان اقدامات سے ہی ملک کو معاشی سرگرمیوں کےمنفی اثرات سے نجات دلائی جا سکےگی۔
کورکمانڈرزکانفرنس کےشرکاءنے غزہ اسرائیل جنگ کی صورتحال پراظہارتشویش بھی کیا، اورآرمی چیف کا کہنا تھا کہ فلسطینی عوام کوقوم کی مکمل سفارتی،اخلاقی اورسیاسی حمایت حاصل ہے،مسئلہ فلسطین کےپائیدارحل کیلئےاپنےبھائیوں کی حمایت جاری رکھیں گے