انسانی ہڈیوں کومضبوط بنانے والے5 مشروبات

مضبوط ہڈیوں کو برقرار رکھنا مجموعی صحت کے لیے بہت ضروری ہے۔
تفصیلات کے مطابق درج ذیل ایسے 5 مشروبات کی فہرست قارئین کیلئے پیش ہیں جو صحت بخش ہڈیوں کے ضامن ہوسکتے ہیں۔
دودھ کیلشیم کا ایک بہترین ذریعہ ہے جو ہڈیوں کی صحت کے لیے ضروری ہے۔ اس میں وٹامن ڈی بھی ہوتا ہے جو کیلشیم کو جذب کرنے میں مدد کرتا ہے۔
کینو جوس بھی کیلشیم اور وٹامن ڈی کا ایک زبردست ذریعہ ہے۔ کیلیشم اور وٹامن ڈی دونوں ہی ہڈیوں کی مضبوطی کے لیے اہم ہیں۔
دہی کیلشیم سے بھرپور ہوتا ہے اور پروبائیوٹکس بھی فراہم کرتا ہے جو غذائی اجزاء کو جذب کرنے اور آنتوں کی مجموعی صحت میں مدد فراہم کرتا ہے۔
گھر میں بنے ہوئے ہڈیوں کے شوربے میں کیلشیم، میگنیشیم اور فاسفورس جیسی معدنیات کے ساتھ ساتھ کولیجن بھی ہوتا ہے جو ہڈیوں اور جوڑوں کی صحت کیلئے بہترین ہے۔
ہری سبزیوں سے بنا جوس کیلشیم اور دیگر صحت بخش غذائی اجزا سے بھرپور ہوتا ہے۔
اسے دیگر پھلوں کے ساتھ ملا کر بھی نوش کیا جاسکتا ہے جو صحت کے فوائد کے ساتھ ساتھ ذائقے کو بھی دوبالا کرسکتا ہے۔