پاس ورڈ کے بجائے پاس کی، گوگل نے نیا فیچر متعارف کرا دیا

معروف ٹیکنالوجی کمپنی گوگل نے صارفین کے لیے نیا فیچر متعارف کرا دیا۔ جس میں اب صارفین کو پاس ورڈ کے بجائے “پاس کی” سے اپنے اکاؤںٹ لاگ ان کرنے کی سہولت میسر ہو گی۔
غیر ملکی خبر رساں ایجنسی کے مطابق گوگل اب اپنے صارفین کے پاس ورڈ کو ختم کر کے “پاس کی” کی سہولت متعارف کروا رہا ہے جس کے بعد صارفین ایک تیز، محفوظ اور بغیر پاس ورڈ کے صارفین اپنی پِن، فیس لاک یا فنگر پرنٹ سے اپنے اکاؤنٹ تک رسائی حاصل کر پائیں گے۔
10 اکتوبر سے گوگل صارفین کو گوگل اکاؤںٹس تک رسائی حاصل کرنے کے لیے پاس کی بنانے کا کہا جا رہا ہے۔
جہاں گوگل مستقبل کے لیے “پاس کی” کو پوری دنیا میں لاگ ان کرنے کا اسٹینڈرڈ بنانے کا سوچ رہا ہے وہیں کمپنی کا کہنا ہے کہ “پاس ورڈ” اب بھی ہماری زندگی کا حصہ رہیں گے۔
گوگل صارفین کے پاس یہ اختیار ہو گا کہ وہ اپنے گوگل اکاؤںٹ کو روایتی پاس ورڈ سے چلانا چاہتے ہیں یا اُس کے بجائے “پاس کی” کا آپشن استعمال کرنا چاہتے ہیں۔