متحدہ عرب امارات میں زیر تعلیم پاکستانی طلباء کی کارکردگی کوخراج تحسین پیش کرنے کے لئے تقریب کا اہتمام
متحدہ عرب امارات میں زیر تعلیم پاکستانی طلباء کی کارکردگی کوخراج تحسین پیش کرنے کے لئے تقریب کا اہتمام-
امارات بھر سے پچپن طلباء نےتقریب میں شرکت کی-
سفیر فیصل نیاز ترمذی نے اعلیٰ کارکردگی کا مظاہرہ کرنے والوں کو مبارکباد دی ان کے اساتذہ اور والدین کے تعاون کو بھی سراہا۔
علیٰ کامیابیاں حاصل کرنے والوں کو تعریفی اسناد سے بھی نوازا گیا-
دبئی (طاہر منیر طاہر) پاکستان کے سفارتخانے نے متحدہ عرب امارات (یو اے ای) میں زیر تعلیم پاکستانی طلباء کی کارکردگی کو تسلیم کرنے کے لئے ایک تقریب کا اہتمام کیا، خاص طور پر سیکنڈری اسکول اور ہائیر سیکنڈری اسکول کے امتحانات میں اس تقریب میں متحدہ عرب امارات بھر سے پچپن طلباء نے شرکت کی۔ اس موقع پر خطاب کرتے ہوئے سفیر فیصل نیاز ترمذی نے اعلیٰ کارکردگی کا مظاہرہ کرنے والوں کو مبارکباد دی۔ ان کی محنت اور لگن کو سراہا۔ اور ان کی کامیابی میں اساتذہ اور والدین کے تعاون کو بھی سراہا۔ سفیرفیصل نیاز ترمذی نے طلباء پر زور دیا کہ وہ اپنی محنت جاری رکھیں کیونکہ یہ ان کی امنگوں کو پورا کرنے اور بیرون ملک مقیم پاکستانی کمیونٹی کی کامیابی کے ساتھ ساتھ متحدہ عرب امارات کی ترقی اور خوشحالی میں اپنا کردار ادا کرنے کے قابل بنائے گا۔ سفیرپاکستان فیصل نیاز ترمذی نے تمام اعلیٰ کامیابیاں حاصل کرنے والوں کو تعریفی اسناد سے بھی نوازا اور کمیونٹی کی فلاح و بہبود اور کامیابی کے لئے مشن کے جاری تعاون کا یقین دلایا
