موجودہ اور 92 کا ورلڈ کپ جیتنے والی ٹیم میں حیران کن مماثلت

آئی سی سی کرکٹ ورلڈ کپ 2023 جوں جوں قریب آرہا ہے ایسے میں پاکستانی قوم نے گرین شرٹس کی جیت کے امکانات جاننے کے لیے 92 کے ورلڈ کپ کی چیمپئن ٹیم سے موجودہ ٹیم کی کنڈلیاں ملانا شروع کر دیں۔
بھارت میں شیڈول آئی سی سی کرکٹ ورلڈ کپ شروع ہونے سے قبل موجودہ قومی ٹیم اور 92 کا ورلڈ کپ جیتنے والی پاکستانی ٹیم میں حیران کن مماثلتیں سامنے آرہی ہیں۔
ورلڈکپ سے قبل قومی ٹیم کے حوالے سے مختلف قسم کے تجزیے اور تبصرے کیے جا رہے ہیں، کوئی پاکستانی ٹیم کو خطرناک قرار دے رہا ہے تو کوئی کہہ رہا ہے کہ موجودہ پاکستانی ٹیم میں ورلڈ کپ جیتنے کی صلاحیت نہیں۔
لیکن سوشل میڈیا پر اس حوالے سے ایک ویڈیو بھی وائرل ہو رہی ہے جس میں ایک شخص کی جانب سے ورلڈکپ 2023 اور 1992 سے قبل پاکستانی ٹیم سے متعلق حیران کن مماثلتیں بیان کی جا رہی ہیں۔
92 اور 2023 کے ورلڈکپ سے قبل پاکستان ٹیم کیلئے مشترک چیزیں
رپورٹ کے مطابق 92 کے کرکٹ ورلڈ کپ سے پہلے بھی ایشیا کپ بھارت جیتا تھا اور اس بار بھی ایسا ہی ہوا ہے۔
92 کے ورلڈ کپ سے پہلے بھی ہمارا ایک فاسٹ بولر انجرڈ ہوگیا تھا اور اس بار بھی ہمارا ایک فاسٹ بولر انجرڈ ہے۔
92 کے ورلڈ کپ میں بھی قومی ٹیم کے کپتان کے نام میں 9 حروف تھے یعنی عمران خان اور بابر اعظم کے نام میں بھی 9 حروف ہیں۔
92 کے ورلڈ کپ میں بھی پاکستانی ٹیم کے کپتان غیر شادی شدہ تھے اور پاکستان ٹیم کے موجودہ کپتان بابر اعظم بھی غیر شادی شدہ ہیں۔
92 کے ورلڈ کپ سے پہلے بھی پاکستانی ٹیم آئی سی سی رینکنگ میں دوسرے نمبر پر تھی اور اب بھی قومی ٹیم آئی سی سی رینکنگ میں دوسرے نمبر پر ہے۔