کراچی پولیس کا ڈاکوؤں کے قتل پر شہری کو انعام دینے کا اعلان
شہر قائد میں 2 ڈاکوؤں کو ہلاک کرنے پر پولیس نے شہری کو انعام دینے کا اعلان کر دیا۔
کراچی کے علاقے کورنگی ڈھائی نمبر میں شہری کی فائرنگ سے 2 ڈاکو ہلاک ہونے پر کراچی پولیس چیف خادم حسین رند نے شہری کو انعام دینے کا اعلان کر دیا۔
کراچی پولیس چیف خادم حسین رند نے کہا کہ شہری کو سینٹرل پولیس آفس بلا کر انعام دیا جائے گا، ڈاکوؤں کو قتل کرنے والا شہری پولیس سے رابطہ کرے۔
واضح رہے کہ گزشتہ روز لوٹ مار کرنے والے 2 ڈاکوؤں کو شہری نے فائرنگ کر کے موت کے گھاٹ اتار دیا تھا۔
