ڈرگ انسپکٹروں کے خلاف غفلت برتنے پر سخت کارروائی کرنے کا حکم
نگران وزیراعلی پنجاب محسن نقوی کی زیر صدارت اجلاس ہوا جس میںامراض چشم کےماہرین ڈاکٹرز نے انجکشن اویسٹن کے استعمال اور طریقہ کار بارے بریفنگ دی ۔
رپورٹس کے مطابق صوبہ پنجاب میں آشوب چشم کی وباء اور انجکشن اویسٹن کے استعمال سے بینائی متاثر ہونے کے واقعہ پر نگران وزیراعلی پنجاب کی زیر صدارت اجلاس ہوا ۔
وزیراعلی پنجاب نے انکوائری رپورٹ آنے تک انجکشن کی فروخت روکنے اور مارکیٹ سے اسٹاک اٹھانے کا حکم دے دیا
محسن نقوی نے تمام متعلقہ ڈرگ انسپکٹروں کے خلاف غفلت برتنے پر سخت کارروائی کرنے کا حکم دے دیا جبکہ متاثرہ افراد کو مفت علاج کی سہولت فراہم کرنے کی ہدایت کردی ۔
نگران وزیراعلی نے کہا کہ آشوب چشم کی وباء کے علاج کے لئے اسپتالوں میں تربیت یافتہ ڈاکٹر کی موجودگی یقینی بنائی جائے ۔
سیکرٹری صحت نے بریفننگ میں کہا کہ اسکولوں اور تعلیمی اداروں میں آشوب چشم میں مبتلا بچوں کو احتیاطی تدابیر کے پیش نظر گھر واپس بھیج دیا جائے ۔
آفس یا رش والی جگہ پر آشوب چشم کے مریضوں کو داخل نہ ہونے دیا جائے۔
وزیراعلی پنجاب نے سوشل میڈیا پیغام کے ذریعے بتایا کہ معاملے کی تحقیقات کے لئے اعلی اختیاراتی کمیٹی قائم کر دی ہے۔
