22 ایٹم بموں کی طاقت کے برابر سیارچے کے دنیا سے ٹکرانے کی پیشگوئی

سائنسدانوں نے مستقبل 22 ایٹم بموں کی طاقت کے برابر سیارچے کے دنیا سے ٹکرانے کی پیشگوئی کر دی۔
غیر ملکی خبر رساں ایجنسی کے مطابق سائنسدانوں نے مستقبل میں دنیا سے ٹکرانے والے سیارچے کی تاریخ کے متعلق تفصیلات سے آگاہ کر دیا۔ سائنسدانوں کے مطابق یہ سیارچہ 22 ایٹم بموں کی طاقت کے برابر طاقت سے دنیا سے ٹکرائے گا۔
سائنسدانوں کا کہنا ہے کہ بینو نامی سیارچہ ہر 6 سالوں میں ہماری زمین کے قریب سے گزرتا ہے لیکن 24 ستمبر 2182 میں زمین اور سیارچے کے درمیان تصادم ہو سکتا ہے۔
انہوں نے کہا کہ اگرچہ سیارچہ کے دنیا سے ٹکرانے کی تاریخ بھی دور ہے تاہم ناسا بینو کے مدار کا رخ بدلنے کے منصوبے پر کام کر رہا ہے اور یہ مشن آخری مرحلے میں ہے۔
سائنسدانوں کے مطابق بینو تقریباً 500 میٹر طویل سیارچہ ہے اور سائز کے اعتبار سے ڈائنو سار کو صفحہ ہستی سے مٹا دینے والے سیارچے سے نصف چھوٹا ہے۔ اس کا مطلب ہے کہ جس جگہ یہ سیارچہ ٹکرائے گا اس سے 965 کلو میٹر دور تک تباہی پھیلائے گا۔ تاہم یہ اتنا بڑا نہیں ہو گا کہ عالمی سطح پر معدومیت کا سبب بنے گا