شاہین آفریدی اپنی دلہنیا لے آئے

کراچی: پاکستان کرکٹ ٹیم کے فاسٹ باؤلر شاہین شاہ آفریدی اپنی دلہنیا لے آئے۔
کراچی میں قومی ٹیم کے فاسٹ باؤلر شاہین شاہ آفریدی اور سابق کپتان شاہد آفریدی کی بیٹی انشا آفریدی کی شادی کی تقریب منعقد ہوئی جس میں اہلخانہ، رشتہ داروں اور قومی ٹیم کے ستاروں نے شرکت کی۔
قومی ٹیم کے کپتان بابر اعظم شادی کی تقریب میں شرکت کے لیے دبئی سے خصوصی طور پر کراچی پہنچے اور انہوں نے شاہین شاہ آفریدی کو اس مبارک موقع پر مبارکباد پیش کی۔
شادی کی تقریب میں سابق کپتان مصباح الحق، سابق کھلاڑی سعید انور اور شوبز انڈسٹری کے ستارے بھی شریک ہوئے۔
شاہین شاہ آفریدی اور انشا آفریدی کا ولیمہ اسلام آباد میں ہو گا جبکہ ان کا نکاح رواں برس فروری میں ہوا تھا۔
شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا جس میں معروف کرکٹرز سمیت قریبی رشتے داروں نے شرکت کی تھی۔
شاہین آفریدی اور انشا کا ولیمہ 21 ستمبر کو اسلام آباد میں ہوگا۔