نجی سیکیورٹی کمپنی کا ڈرائیور 6 کروڑ سے زائد کی رقم لیکر فرار

شہر قائد میں نجی سیکیورٹی کمپنی کا ڈرائیور 6 کروڑ روپے سے زائد کی رقم لے کر فرار ہو گیا۔
تفصیلات کے مطابق کراچی کے علاقے کورنگی صنعتی ایریا میں نجی کمپنی کی کیش وین کا ڈرائیور گارڈز کو چھوڑ کر گاڑی لے کر فرار ہو گیا۔ کیش وین میں 6 کروڑ روپے سے زائد رقم موجود تھی۔
پولیس نے واقعے کا مقدمہ کورنگی صنعتی ایریا تھانے میں درج کر لیا۔
نجی کمپنی کی کیش وین کچھ دیر بعد کورنگی عوامی کالونی کے علاقے سے مل گئی۔
کراچی میں نجی سیکیورٹی کمپنی کے ڈرائیور کی 6 کروڑ سے زائد کی رقم لیکر فرار ہونے کی سی سی ٹی وی فوٹیج منظر عام پر آگئی ہے۔
ملزم کی ساتھیوں کے ہمراہ فرار ہونے کی سی سی ٹی وی فوٹیج سامنے آئی ہے، جس دیکھا جاسکتا ہے کہ نجی کمپنی کا ڈرائیور ساتھیوں کے ہمراہ کار میں فرار ہوا ہے۔
ملزم کے ساتھی بلیک کرولا کار میں سوار تھے، جبکہ فوٹیج میں ملزم کو سیکیورٹی کمپنی کی کیش وین کو روڈ پر چھوڑ کر فرار ہوتے ہوئے دیکھا جاسکتا ہے، ملزم نے کیش کو کار میں منتقل کیا۔