پاکستانی نوجوانوں کی اکثریت برطانیہ میں تعلیم حاصل نہیں کر رہی

برطانوی حکومت کے سالانہ سروے میں یہ بات سامنے آئی ہے کہ برطانیہ میں پاکستانی نژاد 16 سے 24 سال کے نوجوانوں کی اکثریت نہ تو ملازمت پر ہے اور نہ ہی تعلیم حاصل کر رہی ہے۔
سرکاری اعدادوشمار کے مطابق برطانیہ میں پاکستانی نژاد نوجوانوں میں سے اوسطاً 11.5 فیصد کام اور تعلیم سے محروم تھے۔
رپورٹ کے مطابق 12 فیصد بنگلہ دیشی، 11.7 فیصد برطانوی گورے، 11.5 فیصد برطانوی سیاہ فام اور 11.3 فیصد اسی عمر کے دیگر ایشیائی نوجوانوں نے ملازمت نہیں کی اور وہ تعلیم یا تربیت حاصل نہیں کر رہے۔
اعداد و شمار کے مطابق صرف 16 سے 24 سال کی عمر کے ہندوستانی اور چینی لوگوں میں ملازمت کرنے اور تعلیم حاصل کرنے کے امکانات برطانیہ میں رہنے والی دیگر قومیتوں کے لوگوں کے مقابلے میں زیادہ تھے۔
تقریباً 7.3 فیصد ہندوستانی اور 4.5 فیصد چینی نوجوان نہ تو تعلیم حاصل کر رہے ہیں اور نہ ہی کام کر رہے ہیں۔