چودھری پرویز الہٰی کو اینٹی کرپشن ہیڈ کوارٹرز لاہور منتقل کر دیا گیا
پاکستان تحریک انصاف کے صدر چودھری پرویز الہٰی کو اینٹی کرپشن ہیڈ کوارٹرز لاہور منتقل کر دیا گیا۔
اینٹی کرپشن کی ٹیم سابق وزیر اعلیٰ پنجاب کو اسلام آباد سے لے کر اینٹی کرپشن ہیڈ کوارٹرز لاہور پہنچی، اینٹی کرپشن حکام جسمانی ریمانڈ کیلئے چودھری پرویز الہٰی کو آج ضلع کچہری میں پیش کریں گے۔
واضح رہے کہ اینٹی کرپشن نے سابق وزیر اعلیٰ پنجاب چودھری پرویز الہٰی کے خلاف محمد خان بھٹی کو خلاف قانون اپنا پرنسپل سیکرٹری تعینات کرنے کا مقدمہ درج کر رکھا ہے۔
