پاکستان کسٹمز کی کارروائی، 22 کروڑ روپے سے زائد کی اسمگلنگ پکڑی گئی

پاکستان کسٹمز نے شہر قائد کے صنعتی علاقے سائٹ ایریا سے آئرن اسٹیل کی آڑ میں 22 کروڑ روپے سے زائد مالیت کی غیر ملکی اشیا کی اسمگلنگ ناکام بنادی۔
تفصیلات کے مطابق پاکستان کسٹمز اینٹی اسمگلنگ آرگنائزیشن نے آئرن اسٹیل کی آڑ میں درآمد ہونے والی 22 کروڑ 77لاکھ روپے مالیت کی غیرملکی اشیا پکڑ لی۔
انسداد اسمگلنگ مہم کے تحت کی جانے والی یہ کارروائی سائٹ کے علاقے نورس چورنگی کے قریب کی گئی جہاں 2 کنٹینرز میں بھارمحکمہ کسٹمز میں داخل کردہ گڈز ڈیکلریشن میں ان اشیا کو آئرن اسٹیل ظاہر کیا گیا تھا۔ دستاویزات اور اشیاء میں مماثلت نہ ہونے پر تمام اشیا بمعہ دونوں ٹرک پاکستان کسٹمز نے اپنی تحویل میں لے کر انہیں ہیڈ کواٹر منتقل کردیا گیا۔
ذرائع نے بتایا کہ برآمد ہونے والی ان اشیاء کے کنسائمنٹ کو گھاس بندر منتقل کرکے تفصیلی جانچ پڑتال کی گئی جس کے نتیجے میں مختلف اقسام کے 255 موبائل فونز، مختلف اقسام کے 1500 لیپ ٹاپ، 1200 موبائل ٹیبلیٹس برآمد ہوئے۔
اس کے علاوہ سامان میں سے مختلف اقسام وسائز کے 25ایل سی ڈیز، 1270الیکٹرانک سگریٹ اور فلیورز، مختلف اقسام کے 100کارٹن صابن برآمد ہوئے۔
ذرائع نے بتایا کہ برآمد شدہ اسمگل ہونے والی اشیاء کی مالیت 14کروڑ 33لاکھ روپے ہے جن کی مس ڈیکلریشن کے ذریعے 8کروڑ 44ہزار روپے قابل ادائیگی ڈیوٹی ٹیکسوں کی مد میں چوری کرنے کی کوشش کی گئی ہے۔
اسطرح سے برآمد ہونے والی اسمگل شدہ اشیا کی بشمول ڈیوٹی ٹیکسز کی مالیت 22کروڑ 77لاکھ روپے ہے۔ حکام نے مقدمہ درج کرکے اسمگلنگ میں استعمال ہونے والے 90لاکھ روپے مالیت کے دو ٹرک بھی ضبط کرلیے ہیں۔
ی مقدار میں اسمگل شدہ غیر ملکی اشیا دیگر ٹرکوں میں منتقل کرکے اندرون ملک منتقل کیا جارہا تھا۔