چین، جاپان اور مشرقی ایشیائی ممالک سے تجارت کے حجم میں اضافہ ریکارڈ

چین، جاپان اور مشرقی ایشیا کے دیگر ممالک سے تجارت کے حجم میں جاری مالی سال کے پہلے مہینے میں اضافہ ریکارڈ کیا گیا ہے۔
اسٹیٹ بینک کی جانب سے جاری کردہ اعدادوشمار کے مطابق جولائی میں چین، جنوبی کوریا، جاپان اورمشرقی ایشیا کے دیگرممالک کوبرآمدات سے ملک کو202.49 ملین ڈالرکازرمبادلہ حاصل ہوا جوگزشتہ سال جولائی کے مقابلہ میں 9.17 فیصد کم ہے۔
روپرٹ کے مطابق گزشتہ سال جولائی میں مشرقی ایشیا کے ممالک کوبرآمدات سے ملک کو221.08 ملین ڈالرکازر مبادلہ حاصل ہواتھا۔
اعداد وشمار کے مطابق مالی سال 2023 میں مشرقی ایشیا کے ممالک کوبرآمدات کاحجم 2.740 ارب ڈالرریکارڈکیاگیاتھا جومالی سال 2022 میں 3.629 ارب ڈالرتھا۔ جاری مالی سال کے پہلے مہینہ میں مشرقی ایشیا کے ممالک سے درآمدات میں سالانہ بنیادوں پر11.22 فیصدکی شرح سے نموریکارڈکی گئی ہے۔
رپورٹ میں مزید کہا گیا ہے کہ جولائی 2023 میں مشرقی ایشیا کے ممالک سے درآمدات کاحجم 1.220 ارب ڈالرریکارڈکیاگیا جو جون میں 623.84 ملین ڈالراورگزشتہ سال جولائی میں 1.125 ارب ڈالرتھا، مالی سال 2023 میں مشرقی ایشیا کے ممالک سے درآمدات پر9.662 ارب ڈالر کا زرمبادلہ صرف ہوا جومالی سال 2022 میں 17.30 ارب ڈالر تھا۔