چترال، سکیورٹی فورسز سے فائرنگ کے تبادلے میں 7 دہشت گرد ہلاک، 6 زخمی

چترال میں سکیورٹی فورسز اور دہشت گردوں کے درمیان فائرنگ کے تبادلے میں 7 دہشت گرد واصل جہنم ہوگئے۔
پاک فوج کے شعبہ تعلقات عامہ ( آئی ایس پی آر ) کی جانب سے جاری کردہ بیان کے مطابق چترال کے علاقے ارسون میں سکیورٹی فورسز اور دہشت گردوں کے درمیان فائرنگ کا تبادلہ ہوا جس کے نتیجے میں 7 دہشت گرد ہلاک اور 6 زخمی ہوگئے۔
آئی ایس پی آر کے مطابق سکیورٹی فورسز کی جانب سے دہشت گردوں کے خاتمے کیلئے کلیئرنس آپریشن جاری ہے۔
بیان میں مزید کہا گیا کہ مقامی افراد نے دہشت گردوں کے خلاف سکیورٹی فورسز کے آپریشن کو سراہا ہے اور دہشت گردی کی لعنت کے خلاف بھرپور تعاون کی یقین دہانی بھی کروائی۔