شوگر مافیا کیخلاف کریک ڈاؤن،چینی کی قیمت کو ریورس گیئر لگ گیا

شوگر مافیا کیخلاف کریک ڈاؤن کے نتیجے میں چینی کی قیمت کو ریورس گیئر لگ گیا۔
کراچی میں چینی کی ایکس مل اور ہول سیل قیمت مزید 7 روپے کلو کم ہوگئی۔ ڈیلرز کے مطابق چینی کی ایکس مل قیمت 155 اور ہول سیل 160 روپے کلو پر آگئی۔
تاجروں کے مطابق 3دن میں جوڑیا بازار میں چینی 15 روپے کلو سستی ہوگئی، ریٹ کم ہونے کے بعد ریٹیل میں بھی عوام کیلئے چینی سستی کردی۔ عام دکانوں پر چینی 185 سے کم ہوکر 170روپے کلو ہوگئی۔
دوسری جانب چمن سمیت بلوچستان کے اکثر اضلاع میں چینی کی قیمتوں میں کمی آنا شروع ہوگئی۔ چمن میں فی کلو چینی 235 سے کم ہوکر 180 روپے پر آگئی ہے۔