امید ہے آئی ایم ایف کی جانب سے بجلی بلوں میں ریلیف کا فیصلہ پیر تک ہو جائیگا: وزیر توانائی
نگران وزیر توانائی محمد نے بجلی بلوں میں ریلیف سے متعلق فیصلہ پیر تک ہونے کی امید ظاہر کی ہے۔
نگران وزیر توانائی محمد علی کا کہنا تھا بجلی بلوں میں ریلیف دینے کی تجاویز عالمی مالیاتی فنڈ (آئی ایم ایف) کو بھیجی ہوئی ہیں، امید ہے کہ اس معاملے پر پیر تک فیصلہ ہو جائے گا۔
وزیر توانائی محمد علی نے کہا کہ ملک بھر میں گیس کی قیمتیں بڑھانی پڑیں گی کیونکہ گیس شعبے میں 350 ارب روپے کے نقصانات پورے کرنے ہیں۔
وفاقی وزیر نے کہا کہ اگست کے مقابلے میں ستمبر کا بجلی کا بل کم آئے گا، بجلی چوروں کے خلاف کریک ڈاؤن نہیں ہوگا تو جو لوگ بل دے رہے ہیں ان پر بوجھ بڑھے گا۔
دوسری جانب نگران وزیر تجارت گوہر اعجاز کا کہنا تھا ملک میں چینی کا وافر اسٹاک موجود ہے، کسی چیز کا بحران نہیں ہے، مہنگائی کی بڑی وجہ سپلائی چین کا متاثر ہونا ہے
.PNG)
