پاک بھارت ٹاکرا، ریزروو ڈے پر بھی شدید بارش کی پیش گوئی

ایشیا کپ سپر فور مرحلے کے اہم ترین پاک بھارت میچ بارش سے متاثر ہونے کی پیش گوئی کر دی گئی۔
روایتی حریف پاکستان اور بھارت کی ٹیمیں 10 ستمبر کو ناک آؤٹ میچ میں ایک دوسرے کے مدمقابل آئیں گی تاہم اگر بارش کے میچ مکمل نہ ہوسکا تو اگلے دن 11 ستمبر کو میچ وہیں سے شروع کیا جائے گا۔
کینڈی میں دس ستمبر کو شیڈول میچ کے دن بارش کا 90 فیصد امکان ہے جب کہ ریزروو ڈے بارش کے امکانات 99 فیصد تک بڑھ سکتے ہیں۔
پی سی بی کی جانب سے کولمبو میں مسلسل بارش کی وجہ سے بار بار تحفظات پر ایشین کرکٹ کونسل (اے سی سی) نے ریزرو ڈے کی منظوری دی۔
دوسری جانب اگر میچ دوسرے روز تک گیا تو دونوں ٹیموں کو بیک وقت 2 میچز کھیلنا ہوں گے۔ واضح رہے کہ ایونٹ میں دونوں ٹیموں کا پہلا گروپ میچ بارش کی نذر ہوگیا تھا جس کے باعث دونوں ٹیموں کو ایک ایک پوائنٹ دیا گیا تھا۔