حضرت امام حسینؑ کا چہلم
ملک بھر میں نواسہ رسول ﷺ،اقوام عالم کے دلوں کے حکمران حضرت امام حسین ؑ کا چہلم آج مذہبی عقیدت و احترام سے منایا جائے گا۔
تفصیلات کے مطابق حضرت امام حسینؑ کا چہلم آج مذہبی عقیدت و احترام سے منایا جائے گا، اور اس سلسلے میں لاہور ، کراچی ، اسلام آباد ،پشاور،کوئٹہ سمیت چھوٹے بڑے شہروں میں روایتی جلوس اور تعزیے برآمد کیے جائیں ۔اور اس دوران قانون نافذ کرنے والے اداروں کی جانب سے سکیورٹی ہائی الرٹ رہے گی۔
کراچی میں چہلم حضرت امام حسینؑ کامرکزی جلوس آج نشترپارک سےبرآمدہوگا اور روایتی راستوں سےگزرتاہواامام بارگاہ حسینیہ ایرانیان پراختتام پذیرہوگا۔
جلوس کی گزرگاہوں کو کنٹینرز لگاکر سیل کردیا گیا ہے ،جلوس کی سکیورٹی پر6ہزار سے زائدپولیس اہلکارتعینات ہونگے،اور ان کے ساتھ رینجرز کے اہلکار بھی تعینات ہوں گے، اس کے علاوہ سی سی ٹی وی کی مددسےجلوس کی سخت نگرانی کی جائیگی۔
دوسری جانب چہلم حضرت امام حسینؑ کے موقع پر شہر بھر میں دفعہ144نافذ کر دی گئی ہے،محکمہ داخلہ سندھ نےنوٹیفکیشن جاری کے مطابق جلوس کے دوران ہیلی کیم اڑانے پر پابندی ہوگی۔
اس کے علاوہ کراچی میں جلوس برآمدہونےکےبعدشہریوں کومتبادل روٹس پربھیجاجائیگا،ہرقسم کی چھوٹی،بڑی گاڑی کوگرومندرسےآگےجانےکی اجازت نہیں ہوگی،گرومندرسےٹریفک کوبہادریارجنگ روڈ،سولجربازارکی طرف موڑدیاجائےگا۔
ترجمان ڈی آئی جی ٹریفک کراچی کے مطابق انکل سریاچوک سےجوبلی یانشترروڈ ٹریفک کیلئےاستعمال کیاجاسکےگا،ناظم آباد سےآنیوالےٹریفک کولسبیلہ چوک سےگارڈن کی طرف موڑدیاجائےگا ،لیاقت آبادسےآنیوالےٹریفک کوتین ہٹی چوک سےجیل روڈجانے کی اجازت ہوگی۔
ترجمان کے مطابق اسٹیڈیم روڈسےآنیوالی ٹریفک کو نیوایم اے جناح روڈکی جانب موڑا جائے گا،کشمیرروڈاورسوسائٹی سگنل سےبراستہ شاہراہ قائدین سےشارع فیصل پرجاسکیں گے، سپر ہائی وےسےآنیوالےٹریفک کولیاقت آبادنمبر10سےناظم آبادکی طرف موڑدیاجائےگا ۔
لاہور میں چہلم حضرت امام حسینؑ کا مرکزی جلوس حویلی الف شاہ سے برآمد ہو کر مرکزی راستوں سے ہوتا ہوا گامے شاہ پر اختتام پذیر ہو گا۔
چہلم حضرت امام حسینؑ کے حوالے سے لاہور پولیس نے سکیورٹی پلان تیار کر لیا ۔ڈی آئی جی آپریشنز علی رضوی کے مطابق مرکزی جلوس پرچار ہزار سے زائد پولیس افسران و اہلکار ڈیوٹی کے فرائض سرانجام دینگے۔ پولیس جوانوں کےساتھ رضاکاربھی چیکنگ کےفرائض سرانجام دیں گے ۔
مرکزی عزاداری جلوس کوتین درجاتی حفاظتی حصار پر مبنی سکیورٹی فراہم کی جائےگی ، چیکنگ کے لئے میٹل ڈیٹیکٹرز اور واک تھرو گیٹس کا استعمال یقینی بنایا جائے گا جبکہ خواتین کی چیکنگ کیلئےایک سو ترانوے لیڈیز پولیس اہلکار بھی تعینات ہونگی ۔
ڈی آئی جی آپریشنز علی رضوی نے کہا کہ امام بارگاہ اورعزاداری جلوس کے روٹ میں آنے والی عمارتوں کی چھتوں پر سنائپرز تعینات ہونگے ۔ مرکزی عزاداری جلوس کی سی سی ٹی وی کیمروں کے ذریعے مانیٹرنگ کی جائےگی ۔ مرکزی جلوس کے روٹ اور اطراف پر ڈبل سواری اور ڈرون اڑانے پر پابندی ہوگی۔
ادھروفاقی دارالحکومت اسلام آباد میں حضر ت امام حسینؑ کے چہلم کے موقع پر فول پروف سکیورٹی کو یقینی بنانے کے لئے خصوصی حکمت عملی تیار کی گئی ہے۔
چہلم کیلئےاسلام آباد پولیس اور دیگر قانون نافذ کرنے والے اداروں کے2500 سے زائد افسران و اہلکارسکیورٹی پر مامور ہوں گے۔
جلوس کے روٹ کو بم ڈسپوزل سکواڈکلیئر کرے گا،اور جلوس کی ڈرون کیمروں کے ذریعے ویڈیو ریکارڈنگ کی جائے۔
