آرمی چیف کا دورہ ازبکستان ،باہمی تربیتی تعاون بڑھانے پر زور

پاک فوج کے سپہ سالار جنرل عاصم منیر نےاپنے دورہ ازبکستان کے دوران باہمی تربیتی تعاون اور انٹیلی جنس تبادلے کو بڑھانے پر بھی زوردیا۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیر نے ازبکستان کا دو روزہ دورہ کیا،آرمی چیف کاوزارتِ دفاع آمدپرپرتپاک استقبال،چاق وچوبند دستےنےسلامی دی، جنرل عاصم منیر نےتاشقند میں یادگارِ شہداء پر پھول بھی رکھے۔
جاری بیان کے مطابق آرمی چیف جنرل عاصم منیر نےازبک صدرشوکت مرزیوف ،وزیردفاع ،چیئرمین اسٹیٹ سکیورٹی سروس ازبکستان سے ملاقاتیں کیں۔
آرمی چیف نےملاقاتوں میںازبک فوج کی تربیت کےمعیاراورعلاقائی سلامتی کیلئےکاوشوں کوسراہتے ہوتے ہوئے باہمی تربیتی تعاون اور انٹیلی جنس تبادلے کو بڑھانے پر بھی زوردیا۔
آئی ایس پی آر کے مطابق جنرل عاصم منیرکےدورہ ازبکستان کامقصدفوجی اوردفاعی تعاون کافروغ ہے۔