7لاکھ ٹن سے زائد چینی افغانستان اسمگل کر دی گئی، سیکرٹری فوڈ پنجاب

سیکرٹری فوڈ پنجاب محمد زمان وٹو نے کہا ہے کہ غیر معمولی منافع کو لوٹ مار کہنا بے جا نہ ہو گا۔
تفصیلات کے مطابق سیکرٹری فوڈ پنجاب نے کہا ہے کہ چینی کی قیمتوں میں اضافے کی بڑی وجہ ا سمگلنگ ہے، شوگر ملز مہنگی چینی کےباوجود اربوں روپے کی ٹیکس چوری میں ملوث ہیں۔
انہوں نے کہا ہے کہ 7لاکھ ٹن سے زائد چینی افغانستان ا سمگل کر دی گئی، شوگر ملز اور مافیا نے عوام کی جیبوں سے 50 ارب روپے لوٹ لئے، چینی کی ملز کے منافع سمیت پیداواری لاگت 95 روپے بنتی ہے۔
سیکرٹری فوڈ پنجاب زمان وٹو نے کہا ہے کہ عدالتی حکم امتناع کے باعث پنجاب حکومت شوگر مافیا کے سامنے بے بس ہے، پنجاب اور سندھ کی شوگر ملز کی مانیٹرنگ شروع کر دی گئی ہے، پنجاب اور سندھ کی شوگر ملز میں ایف بی آر کے انسپکٹرز تعینات ہیں۔