پی سی بی کا سری لنکا کے خراب موسم کے باعث میچز متاثر ہونے پر موقف سامنے آگیا

پاکستان کرکٹ بورڈ (پی سی بی) کا سری لنکا کے خراب موسم کے باعث میچز متاثر ہونے پر موقف سامنے آگیا۔
ذرائع پی سی بی کے مطابق پاک بھارت میچ کے دوران اے سی سی سے اپنے تحفظات کا اظہار کیا تھا، اے سی سی پر زور دیا تھا کولمبو اور پالی کیلے کا موسم میچز کیلئے سازگار نہیں۔
ذرائع نے کہا ہے کہ پی سی بی کی درخواست پرایشین کرکٹ کونسل( اے سی سی) کا اجلاس طلب کیا جارہا ہے، کل بھارت نیپال میچ کے بعد کولمبو اور پالی کیلے کے موسم کا جائزہ لیا جائیگا، ایشین کرکٹ کونسل مختلف آپشنز پر غور کر رہا ہے۔
پی سی بی ذرائع کے مطابق وینیو کو تبدیل کرنا آسان نہیں کیونکہ میچز کی بیشتر ٹکٹیں فروخت ہوچکی ہیں، ہم چاہتے ہیں کہ فینز کو اچھی کرکٹ دیکھنے کو ملے۔
خیال رہے کہ سری لنکا میں ان دنوں مون سون بارشوں نے ڈھیرے جما لیے ہیں، ایونٹ کا انتہائی اہم پاک بھارت کا میچ بارش کی نظر ہوا ہے جبکہ گزشتہ 5 دنوں سے مسلسل بارشیں ہو رہی ہیں۔ ایشیا کپ سپر 4 مرحلے کے تمام میچز کے علاوہ فائنل بھی یہیں کھیلا جائے گا۔