تاریخ میں پہلی بارپٹرول اور ڈیزل کی قیمت 300 روپے سے متجاوز

نگران حکومت نے اقتدارسنبھالنے کے بعد مسلسل دوسری بارپٹرولیم مصنوعات کی قیمتوں میں بڑا اضافہ کردیا، جس بعد ملکی تاریخ میں پہلی بار پٹرول اور ڈیزل کی فی لٹر قیمت300 روپے سے تجاویزکرگئی ۔
وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 14 روپے 91 پیسے اورڈیزل کی قیمت میں 18 روپے 44 پیسے فی لٹراضافہ کیا گیا ہے۔
نوٹیفکیشن کے مطابق اضافے کے بعد پٹرول کی نئی قیمت 305 روپے36 پیسے،اورڈیزل کی نئی قیمت 311 روپے84 پیسے فی لٹرہوگئی۔
یاد رہے کہ پٹرول کی پرانی قیمت 290.45 روپے اورڈیزل کی پرانی قیمت 293.40 روپے تھی ۔
اس کے علاوہ لائٹ ڈیزل اورمٹی کے تیل کی قیمتیں برقراررہیں گی۔
نگران کاکڑ حکومت نے آئی ایم ایف کی ایک اورشرط پوری کرتے ہوئے پیٹرول پر ڈیویلپمنٹ لیوی دس روپے بڑھا کر60 روپے فی لیٹرکردی، جبکہ ہائی اسپیڈ ڈیزل پرلیوی 50 روپے فی لیٹر برقرار رکھی گئی ہے۔