محکمہ تعلیم سندھ نے نجی اسکولوں میں طلبہ کی جسمانی سزا پر پابندی لگادی

محکمہ تعلیم سندھ نے نجی اسکولوں میں طلبہ کو جسمانی سزا دینے پر پابندی لگادی۔ حکام کا کہنا ہے کہ خلاف ورزی پر اسکول کی رجسٹریشن منسوخ کردی جائے گی۔
تعلیمی اداروں میں طالبعلموں پر جسمانی تشدد کے بڑھتے واقعات پر محکمہ تعلیم نے نوٹس لے لیا۔ محکمہ تعلیم نے نجی اسکولوں میں طلبہ کی جسمانی سزا پر پابندی لگا دی
ایڈیشنل ڈائریکٹر رفیعہ جاوید کا کہنا ہے کہ اسکولوں میں جسمانی سزا کا رجحان تیزی سے بڑھ رہا ہے، اسے روکنا ضروری ہے، نجی اسکولوں کے رجسٹریشن سرٹیفکیٹ میں بھی جسمانی سزا پر پابندی کی شرط درج ہوگی، کوٸی اسکول طلبہ کو جسمانی سزا دیتے پایا گیا تو اس کیخلاف کاررواٸی ہوگی۔
انہوں نے کہا کہ بچوں کو جسمانی سزا دینے سے متعلق والدین کی لاتعداد شکایتیں موصول ہورہی ہیں، پابندی کی خلاف ورزی پر اسکول کی رجسٹریشن معطل کردی جاٸے گی۔
رفیعہ جاوید کا کہنا ہے کہ سندھ چاٸلڈ پروٹیکشن ایکٹ کے تحت یہ رول تمام اسکولوں میں لاگو ہوگا، خلاف ورزی محکمہ تعلیم کے 2005ء کے قانون کے مطابق اسکول کی رجسٹریشن ختم بھی کی جاسکتی ہے۔