جاپان اورویتنام سمیت ایشیائی ممالک میں سپربلیو مون کا خوبصورت نظارہ

جاپان اور ویتنام سمیت ایشیائی ممالک میں سپربلیومون کا خوبصورت نظارہ کیا گیا، شہریوں کی بڑی تعداد تفریحی مقامات پر پہنچ گئی۔
ٹوکیو میں سپرمون کا دلفریب نظارہ کیا گیا،شہری بلند عمارتوں پر جمع ہوئے اور چاند کی خوبصورتی کا سحر انگیز نظارہ دیکھااورکیمرے میں لمحات کو یادگار بنایا ۔
اسی طرح ویتنام میں بھی شہریوں نے ساحل پر سپربلیو مون کا نظارہ کیا۔
ماہرین فلکیات نے بتایا کہ بلیو مون سے مراد یہ نہیں کہ چاند کا رنگ نیلا ہو گا بلکہ انگریزی مہینے میں دوسری بار دکھائی دینے والے چودھویں کے چاند کو بلیو مون کہا جاتا ہے۔
ماہرین کا کہنا ہے کہ اس مہینے کا سپر بلیو مون اس لیے خاص ہے کہ ایسا نظارہ پھر 2032 میں ہوگا۔
واضح رہے کہ اس سے قبل آخری بار سپر بلیو مون 5 سال قبل 2018 میں دیکھنے میں آیا تھا مگر اس وقت وہ سرخی مائل تھا کیونکہ اس موقع پر چاند گرہن بھی ہوا تھا