برطانیہ، ایئر ٹریفک کنٹرول سسٹم میں خرابی، 500 پروازیں منسوخ

برطانیہ میں ایئر ٹریفک کنٹرول سسٹم میں تکنیکی خرابی کے باعث 500 پروازیں منسوخ ہوگئیں۔
برطانوی میڈیا رپورٹس کے مطابق ایئر ٹریفک کنٹرول سسٹم میں تکنیکی خرابی کے باعث 80 فیصد پروازوں کی روانگی میں تاخیر ہوئی، جبکہ سسٹم میں خرابی کی وجہ سے فضائی ٹریفک کو محدود کیا گیا۔
232 پروازوں کو برطانیہ سے دیگر ممالک روانہ ہونا تھا جبکہ 271 کو برطانیہ آنا تھا، پروازوں کی منسوخی یا تاخیر سے ہزاروں مسافر ایئرپورٹس میں پھنس گئے۔
دوسری جانب ائیر ٹریفک سروس کے حکام کا کہنا تھا کہ آئی ٹی سسٹم میں آنے والی خرابی کو ٹھیک کر لیا گیا ہے تاہم پروازوں میں آنے والے تعطل پر کام جاری ہے