عام انتخابات پرمشاورت کا معاملہ،الیکشن کمیشن کا سیاسی جماعتوں کو مدعو کرنے کا فیصلہ

عام انتخابات کے حوالے سے مشاورت کے لیے الیکشن کمیشن نے دیگرسیاسی جماعتوں کو بھی مدعو کرنے کا فیصلہ کرلیا۔
پیپلزپارٹی سے 29 اگست کو مشاورت ہوگی۔ جبکہ ایم کیو ایم ،جماعت اسلامی، اے این پی اور دیگرجماعتوں سے بھی مشاورت ہوگی۔
الیکشن کمیشن نے پہلے مرحلے میں 4 جماعتوں کو مشاورت کے لئے بلایا تھا۔ دیگرجماعتوں کو بھی خطوط لکھ کر مشاورتی عمل میں شامل کیا جائے گا۔
اب تک مسلم لیگ ن،تحریک انصاف اورجے یو آئی سے مشاورت ہوچکی۔ الیکشن کمیشن نے پیپلزپارٹی کو بھی 29 اگست کومشاورت کیلئے بلا رکھا ہے۔