بٹگرام ریسکیو آپریشن، مشکل کی ہر گھڑی میں عوام کیساتھ ہیں،آئی ایس پی آر

آئی ایس پی آر کے جاری کردہ بیان کے مطابق پاک فوج کا بٹگرام میں انتہائی پیچیدہ اورمشکل ریسکیو آپریشن کامیاب ہوگیا۔
پاک فوج کے شعبہ تعلقات عامہ کی طرف سے جاری کر دہ بیان کے مطابق پاک فوج کےایس ایس جی کی سلنگ ٹیم نے600 فٹ بلندی پرپھنسےافراد کو بحفاظت ریسکیو کر لیا،چیئرلفٹ میں پھنسے تمام افراد کو بحفاظت نکال کر محفوظ مقام پر منتقل کر دیا گیا۔
انہوں نے کہا کہ آرمی چیف کی خصوصی ہدایت پرآرمی ایوی ایشن اورایس ایس جی ٹیم نےریسکیو آپریشن کا تیزی سے آغاز کیا پاک فوج کی اسپیشل سروسز گروپ کی سلنگ ٹیم اورپاکستان ائیر فورس کا ہیلی کاپٹر بھی آپریشن کا حصہ بنا۔
پاک فوج کے سپیشل سروسز گروپ کی سلنگ ٹیم کو آرمی ایوی ایشن نے مکمل تکنیکی مدد فراہم کی جس کے باعث آپریشن کی کامیابی ممکن ہوسکی۔
آئی ایس پی آر کا کہنا تھاکہ آپریشن کے دوران پاک فوج اور پاک فضائیہ کے پائلٹس نے بےمثال مہارت اورکارکردگی کا مظاہرہ کیا ریسکیو آپریشن کو کامیابی سے پایا تکمیل تک پہنچانے میں لوکل کیبل ایکسپرٹ کی بھی خدمات حاصل کی گئیں اوراس آپریشن میں سول انتظامیہ اور لوکلز نے بھی بڑھ چڑھ کر حصہ لیایہ ایک انتہائی مشکل اور کھٹن آپریشن تھا۔
انہوں نے مزید کہا کہ پاک فوج اور پاک فضائیہ کے ہیلی کاپٹرز نے بروقت جائے وقوعہ پر پہنچ کر امدادی آپریشن کا آغاز کیاپاک فوج کے سپیشل سروسز گروپ کی سلنگ ٹیم، پاک فضائیہ، لوکل انتظامیہ، اور کیبل ایکسپرٹس کی مدد سے پاکستانی تاریخ کے اس منفردآپریشن کو سرانجام دیکر اپنی صلاحیتوں کا لوہا منوایاہے۔
ترجمان آئی ایس پی آرکے مطابق افواجِ پاکستان نے ہمیشہ ہر مشکل وقت میں عوام کی آواز پر لبیک کہا ہے اور مشکل کی ہر گھڑی میں عوام کے ساتھ کھڑی رہی ہیں اور رہیں گی۔ انشاء اللّٰہ