روزمرہ غذاؤں میں الائچی کا استعمال بڑھانا کیوں ضروری ہے؟

الائچی ایک ایسی چیز ہے جس کا استعمال ہر قسم کے کھانوں میں ہوتا ہے کیونکہ اس کی خوشبو ہی ایسی ہوتی ہے جو میٹھے اور تیکھے دونوں قسم کے کھانوں میں چار چاند لگا دیتی ہے۔
این ڈی ٹی وی کی ویب سائٹ پر شائع ہونے والی ایک رپورٹ کے مطابق الائچی صرف کھانوں میں خوشبو شامل کرنے کے ہی کام نہیں آتی بلکہ اس کے استعمال سے آپ کی ذہنی اور جسمانی کیفیت پر بھی خوشگوار اثر پڑتا ہے۔
نظام انہضام کو بہتر کرتی ہے
الائچی میں ایسے قدرتی اجزا شامل ہیں جو انسانی جسم میں ہاضمے کے مسائل سے نمٹنے میں مدد دیتے ہیں جیسا کہ پیٹ میں مروڑ، گیس یا معدے میں درد۔
سانسوں کو تازگی بخشتی ہے
الائچی میں موجود بیج چبانے سے آپ کی سانس میں تازگی آتی ہے، منہ سے آنے والی بُو میں کمی ہوتی ہے اور اس سے منہ کا ذائقہ بھی اچھا رہتا ہے۔
بیماریوں کے اثرات کم کرتی ہے
الائچی کے استعمال کا ایک فائدہ یہ بھی ہے کہ یہ دمے اور ہڈیوں کی بیماروں کے اثرات کو کم کرتی ہے۔
خون کی روانی میں بہتری لاتی ہے
الائچی قدرتی طور پر خون کو پتلا کرنے کی صلاحیت رکھتی ہے جس سے جسم میں خون کی روانی میں بہتری آتی ہے۔
الائچی کے استعمال سے جسم میں خون نہیں جمتا، یہ دل کا دورہ پڑنے کے امکانات کو کم کرنے کے ساتھ ساتھ دل کی مزید بیماریوں سے بھی بچاتی ہے۔
جسم میں موجود زہریلے مادے کو کنٹرول میں رکھتی ہے
الائچی کا استعمال گُردوں کے لیے بھی مفید ہے۔ اس کے اثرات سے نہ صرف جسم میں موجودہ کیمیکلز کنٹرول میں رہتے ہیں بلکہ یہ جسم کو توانائی بھی بخشتی ہے۔
بلڈ پریشر قابو میں رکھتی ہے
الائچی کے روزانہ استعمال سے بلڈ پریشر بھی قابو میں رہتا ہے جس سے دل کے امراض کے خطرات بھی ٹل جاتے ہیں۔
جسم میں موجود خلیوں کو توانا کرتی ہے
الائچی کے اجزا آپ کے جسم میں موجود خلیوں کو توانائی بخشتے ہیں اور انہیں تباہ ہونے سے بچاتے ہیں۔
اس سے کینسر جیسی بیماریوں کا خطرہ بھی کم ہوتا ہے اور ان بیماریوں سے بھی بچا جا سکتا ہے جو عمر بڑھنے کے ساتھ لاحق ہوسکتی ہیں۔
ذہنی سکون
الائچی کا استعمال برسوں سے ایک ایسی دوا کی صورت میں بھی کیا جاتا رہا ہے جو نہ صرف آپ کی ذہنی صحت کو بہتر بناتی ہے بلکہ ذہنی تھکاوٹ سے بھی بچاتی ہے۔
جراثم سے لڑنے میں مدد دیتی ہے
الائچی کی ایک خاصیت یہ بھی ہے کہ یہ آپ کو خطرناک جراثیم اور وائرس سے لڑنے میں مدد کرتی ہے اور آپ کی قوتِ مدافعت بڑھاتی ہے