جڑانوالہ واقعہ میں ملوث عناصر کو کٹہرے میں لایا جائے گا، آرمی چیف

پاک فوج کے سپہ سالار جنرل عاصم منیر نے کہا ہے کہ جڑانوالہ جیسےواقعات کی ملک میں کوئی گنجائش نہیں ،ایسےواقعات میں ملوث عناصرکوکٹہرےمیں لایاجائےگا۔
آئی ایس پی آرانٹرنشپ پروگرام کےشرکاء سےخطاب کرتے ہوئے جنرل عاصم منیر نے کہا کہ جڑانوالہ واقعہ انتہائی افسوسناک اورناقابل برداشت ہے،کسی کوقانون ہاتھ میں لینےکی اجازت نہیں دی جاسکتی،ایسےعناصرکی ہمارےمعاشرےمیں کوئی جگہ نہیں،رنگ ونسل کی تفریق سےبالاترپاکستان کےتمام شہری برابرہیں۔
آرمی چیف نےملک میں انارکی اوربدامنی پھیلانےکیلئےدشمن قوتوں کی کوششوں کواجاگر کرتے ہوئے کہا کہ اقلیتوں کیخلاف بلخصوص عدم برداشت اورانتہائی رویئےکےواقعات کی کوئی گنجائش نہیں،تمام شہری بلا تفریق مذہب،جنس، ذات یا عقیدہ ایک دوسرےکیلئےبرابرہیں۔
جنرل عاصم منیر نے خطاب میں قومی ترقی میں نوجوانوں کےکردار پر زور دیتے ہوئے کہا کہ نوجوان پاکستان کامستقبل ہیںنوجوان امن،ترقی،خوشحالی میں بہت زیادہ کردارادا کرسکتے ہیں۔
خیال رہے کہ پروگرام میں پاکستان بھرکی مختلف یونیورسٹیزکے 370 سےزائد طلباء نے شرکت کی۔