الیکشن کمیشن نے چیئرمین پی ٹی آئی کو 5 سال کیلئے نااہل قرار دیدیا

الیکشن کمیشن آف پاکستان ( ای سی پی) نے چیئرمین پاکستان تحریک انصاف ( پی ٹی آئی ) کو پانچ سال کیلئے نااہل قرار دے دیا۔

الیکشن کمیشن کی جانب سے چیئرمین پی ٹی آئی کی 5 سالہ نااہلی کا نوٹیفکیشن جاری کر دیا گیا ہے جس کے مطابق ایڈیشنل سیشن جج اسلام آباد کے فیصلے کے مطابق چیئرمین پی ٹی آئی کرپٹ پریکٹسز کے مرتکب قرار پائے۔
الیکشن کمیشن کی جانب سے کہا گیا کہ چیئرمین پی ٹی آئی کو 3 سال قید،1 لاکھ روپے جرمانہ کی سزا ہوئی جس کے بعد وہ آئین کے آرٹیکل 63 ون ایچ کے تحت نااہل ہوئے ہیں۔