الیکشن کمیشن کا چیئرمین پی ٹی آئی کو پارٹی صدارت سے ہٹانے کا فیصلہ

الیکشن کمیشن آف پاکستان نے چیئرمین پی ٹی آئی کو پارٹی صدارت سے ہٹانے کا فیصلہ کر لیا۔
ذرائع کے مطابق ای سی پی نے سیاسی جماعت پاکستان تحریک انصاف کے چیئرمین کو پارٹی کی صدارت سے ہٹانے کا فیصلہ کر لیا ہے، الیکشن کمیشن کچھ دیر میں باضابطہ اعلان کرے گا۔
چیئرمین پی ٹی آئی کو صدارت سے ہٹانے کی فائل کمیشن کو بھجوا دی گئی ہے۔
واضح رہے کہ آج الیکشن کمیشن کا اسلام آباد میں ایک اہم اجلاس ہوا، جس میں انتخابات کے عمل، مردم شماری اور دیگر امور پر مشاورت کی گئی، اجلاس میں چیئرمین پی ٹی آئی کے خلاف عدالتی فیصلے کا بھی جائزہ لیا گیا، اور انھیں پارٹی صدارت سے ہٹانے کا فیصلہ ہوا۔