ٹرین حادثہ کے بعد ٹرینوں کی آمد ورفت کے لیے ٹریک کو بحال کر دیا گیا

گزشتہ روزنوابشاہ میں ہونے والے ٹرین حادثہ کے بعد ٹرینوں کی آمد و رفت کے لیے ٹریک کو بحال کر دیا گیا۔
نوابشاہ ٹریک 17 گھنٹے بعد بحال کردیا گیا۔گرین لائن اورہزارہ ایکسپریس کو فی کلو میٹر دس کی رفتار سے گزارا گیا۔
ترجمان ریلوے کا کہنا ہے کہ سکھر؛شالیمارایکسپریس،رحمان بابا،علامہ اقبال ایکسپریس کو روانہ کیا گیا،قراقرم،ملت، جعفر ایکسپریس و دیگرمسافر ٹرینوں کو روانہ کیا گیا،
ترجمان ریلوے کے مطابق سنگل ڈاؤن ٹریک کو بحال کرکے آہستہ آہستہ ٹرینوں کو گزارا جا رہا ہے۔
ٹریک معطل رہنے کی وجہ سے لاہورسے آنے اور جانے والی ٹرینیں غیر معمولی تاخیر کا شکار رہیں۔
ہزارہ ایکسپریس ٹرین حادثے کے بعد ملتان ریلوے اسٹیشن پر ٹرینوں کی آمدورفت معطل ہو کر رہ گئی ہے ،جبکہ ٹرین حادثے کی معلومات کے لیےریلوے اسٹیشن پرہیلپ ڈیسک بھی قائم کر دی ہے،جہاں سے شہری مسافروں کے بارے میں تمام تر معلومات حاصل کر سکتے ہیں۔
انتظامیہ کا کہنا ہے کہ دوپہر 12.30 بجے ملتان سے کراچی کے لیے ٹرین روانہ ہو گی۔