پاکستان الیکٹرانک میڈیا ریگولیٹری اتھارٹی (ترمیمی) بل منظور

اسپیکرراجہ پرویزاشرف کی زیرصدارت قومی اسمبلی کا اجلاس ہوا۔ اجلاس میں وفاقی وزیر اطلاعات مریم اورنگزیب کی جانب سے پاکستان الیکٹرانک میڈیا ریگولیٹری اتھارٹی ترامیمی بل پیش کیا گیا۔
قومی اسمبلی نے پریس کونسل ترمیمی بل 2023 بھی منظورکرلیا۔ قائمہ کمیٹی کی چیئرپرسن جویریہ ظفر آہیر نے بل پر رپورٹ پیش کی۔ ایوان نے پیمرا (ترمیمی) بل کی شق وارمنظوری دی۔ بل کے تحت پیمرا کونسل آف کمپلینٹ کو مزید با اختیاربنا دیا گیا۔ ڈس انفارمیشن اور مس انفارمیشن پر کارروائی کی جا سکے گی۔
اجلاس میں بچوں کو گھروں میں غیرقانونی نوکری کرانے اور ناروا سلوک پر توجہ دلاؤ نوٹس پیش کیا گیا۔ وزیرمملکت شہادت اعوان کا کہنا تھا کہ قانون منع کرتا ہے کہ بچوں کو گھریلو نوکر بنایا جائے،عوام میں آگاہی ہونی چاہئے اور چائلڈ لیبر ختم ہونا چاہئے۔
پرائس کنٹرول اور منافع خوری وذخیرہ اندوزی ممانعت ایکٹ ترمیمی بل پیش کیا گیا۔ گیس چوری روک تھام اور وصولی ایکٹ ترمیمی بل بھی اجلاس میں منظورکرلیا گیا۔ رکن جماعت اسلامی عبدلاکبر چترالی کا کہنا ہےکہ بجلی اورگیس چوری میں 80 فیصد ملازمین شامل ہوتے ہیں،ملازمین کو بھی اس میں شامل کیا جانا چاہئے۔
شازیہ مری کی جانب سے زکوۃ اورعشرآرڈیننس ترمیمی بل پیش کیا گیا۔ ایوان نے زکوۃ وعشرآرڈیننس میں ترامیم کا بل شق وارمنظورکرلیا۔