ایئرپورٹس آؤٹ سورسنگ کا معاملہ، اسحاق ڈارکی ملازمین کےتحفظ کی یقین دہانی

وزیرخزانہ اسحاق ڈار نے ایئرپورٹس کی آؤٹ سورسنگ کے معاملے پر سول ایویشن اتھارٹی سی اے اے ملازمین کوتحفظ کی یقین دہانی کردی۔
تفصیلات کے مطابق وزیرخزانہ اسحاق ڈار کی زیر صدارت اسٹیئرنگ کمیٹی کااجلاس ہوا ، جس میں بڑے شہروں کےایئرپورٹس کی آؤٹ سورسنگ کےامورکا جائزہ لیا گیا۔
اعلامیہ کے مطابق اجلاس میں سول ایوی ایشن ایمپلائز یونین کےنمائندوں نے شرکت کی ، اورایئرپورٹس کی آؤٹ سورسنگ کےمتعلق تحفظات کااظہار کیا۔
وزیرخزانہ اسحاق ڈارنےنمائندوں کو ایئرپورٹس کی آؤٹ سورسنگ کےدوران ملازمین کےتحفظ کی یقین دہانی کرتے ہوئے کہا کہ مینجمنٹ سروسزکی منتقلی کےدوران جاب سکیورٹی کےامور کو مد نظررکھا جائے گا۔
اعلامیہ کے مطابق حکومت کااسلام آباد،لاہوراورکراچی ایئرپورٹ کی آؤٹ سورسنگ کامنصوبہ ہےاور آؤٹ سورسنگ کےعمل میں کوئی ابہام نہیں چھوڑاجائےگا۔