کینسر کا خطرہ کم ، لونگ کے حیران کردینے والے فوائد

لونگ، بریانی، دال، سوپ اور چائے وغیرہ میں خوشبو کے طور پر استعمال کی جاتی ہے۔ اس میں متعدد ضروری وٹامنز، معدنیات اور غذائی ریشے شامل ہوتے ہیں اور اس میں کیلوریز کی مقدار کم ہوتی ہے۔ لونگ میں طاقتور اینٹی آکسیڈینٹ کی خصوصیات پائی جاتی ہیں جو جسم سے نقصان دہ فری ریڈیکلز کو ختم کرتے ہیں۔ اس سے کینسر کا خطرہ کم ہوتا ہے اور قوت مدافعت مضبوط ہوتی ہے۔
لونگ ہمارے نظامِ ہاضمہ کو بہتر طریقے سے کام کرنے میں مدد کرتی ہے۔ لونگ سینے کی جلن، تیزابیت، بدہضمی اور متلی کو دور کرنے کے لیے بھی استعمال ہوتی ہے۔ لونگ ان لوگوں کے لیے بہترین ہے جن کا بلڈ شوگر لیول زیادہ ہے۔ تحقیق سے پتہ چلا ہے کہ لونگ انسولین کی حساسیت کو بہتر بناتی ہے اور بلڈ شوگر کی سطح کو منظم کرتی ہے۔
لونگ ہائیڈرو الکوحل مرکبات جیسے یوجینول اور فلاوونائڈز سے بھرپور ہوتی ہیں جو ہڈیوں کو مضبوط کرنے میں مدد کرتے ہیں۔ کمزور ہڈیوں اور آسٹیوپوروسیس والے افراد کے لیے ضروری ہے کہ وہ باقاعدگی سے لونگ کو اپنی غذا میں شامل کریں۔ لونگ نقصان دہ بیکٹیریا، فنگس اور وائرس کے خلاف لڑنے میں اہم کردار ادا کرتی ہے۔
لونگ اینٹی وائرل اور خون کو صاف کرتی ہے اور سفید خون کے خلیوں کو متحرک کرکے بیماریوں کے خلاف مزاحمت میں اضافہ کرتی ہے۔ لونگ کا تیل جراثیم کش خصوصیات کی وجہ سے دانتوں کے درد، مسوڑھوں اور منہ کے چھالوں کا موثر علاج ہے۔