چینی نائب وزیراعظم کی آرمی چیف جنرل عاصم منیرسے ملاقات

چینی نائب وزیر اعظم ہی لیفنگ نے آرمی چیف جنرل سید عاصم منیر سے ملاقات کی۔
پاک فوج کے شعبہ تعلقات عامہ( آئی ایس پی آر) سے جاری بیان کے مطابق چینی نائب وزیر اعظم ہی لیفنگ نے آئی ایس پی آر کا دورہ کیا اور آرمی چیف جنرل سید عاصم منیر سے ملاقات کی۔
چینی نائب وزیر اعظم ہی لیفنگ اور جنرل عاصم منیر نے ملاقات میں باہمی دلچسپی کے امور اور دفاعی تعاون پر تبادلہ خیال کیا گیا۔
دونوں رہنمائوں نے تمام شعبوں میں دوطرفہ تعلقات کو مزید بڑھانے اور مضبوط بنانے کی خواہش کا اعادہ کیا۔
خیال رہے کہ چین کے نائب وزیر اعظم ہی لیفنگ چین کے بیلٹ اینڈ روڈ پروگرام کے تحت پاک چین اقتصادی راہداری( سی پیک) کی دس سالہ تقریبات میں شرکت کیلئے پاکستان کے دورے پر ہیں۔