غیرلائسنس یافتہ ڈیجیٹل ایپس کو بینکنگ خدمات کی فراہمی پر پابندی عائد

آن لائن قرض دینے کے نام پرعوام کا استحصال کرنیوالی کمپنیز کے گرد گھیرا تنگ کردیا گیا۔
اسٹیٹ بینک نے غیرلائسنس یافتہ ڈیجیٹل ایپس کو بینکنگ خدمات فراہم کرنے پر پابندی عائد کردی کردی۔ حکام کا کہنا ہے کہ فیصلہ نان بینکنگ فنانس ڈیجیٹل کمپنیز کیخلاف بڑھتی ہوئی شکایات پر کیا گیا۔
ایس ای سی پی نے اسٹیٹ بینک کو غیرلائسنس یافتہ99کمپنیز کی فہرست فراہم کی تھی، آن لائن ڈیجیٹل کمپنیز کی کڑی جانچ کیلئے اسٹیٹ بینک نے جون میں بینکوں کو خط لکھا تھا۔
حکام کے مطابق اسٹیٹ بینک کی ہدایت پر چھان بین کے بعد بینکوں نے 100 سے زائد ڈیجیٹل ایپس کے اکاؤنٹ بند کردیے۔