ملک کو موجودہ بحران سے نکال کر دم لینے کا فیصلہ کیا ہے، آرمی چیف

پاک فوج کے سپہ سالار جنرل عاصم منیرنے کہا کہ ہے فیصلہ کیا ہےکہ پاکستان کو موجودہ بحران سے نکال کر دم لیا جائے گا، دنیا کی کوئی طاقت ترقی کرنے سے نہیں روک سکتی۔
خانیوال ماڈل ایگریکلچر فارم کی افتتاحی تقریب سےخطاب کرتے ہوئے آرمی چیف جنرل عاصم منیر نے کہا کہ پاک فوج کو اپنی قوم کی خدمت کرنے پر فخر ہے،فوج عوام سے ہے اورعوام فوج سے،فیصلہ کیا ہے کہ پاکستان کوموجودہ بحران سے نکال کر دم لیا جائے گا۔
انہوںنے کہا کہ پاکستانی غیرت مند،غیور اور باصلاحیت قوم ہے، تمام پاکستانیوں نے بھکاری کا کشکول باہر اُٹھا کر پھینکنا ہے، اللہ تعالٰی نے پاکستان کو تمام نعمتوں سے نوازا ہے، ہمیں دنیا کی کوئی طاقت ترقی کرنے سے نہیں روک سکتی۔