12 اگست کواسمبلیاں تحلیل ہونے پر11 اکتوبرتک انتخابات کرا دیں گے ، الیکشن کمیشن

الیکشن کمیشن آف پاکستان نے کہا ہے کہ اسمبلیاں12اگست کوتحلیل ہوتی ہیں تو الیکشن11 اکتوبرتک کرادیں گے۔
سپیشل سیکریٹری الیکشن کمیشن ظفراقبال نےمیڈیابریفنگ میں کہا ہے کہ اسمبلیاں12اگست کوتحلیل ہوتی ہیں تو الیکشن 11 اکتوبرتک کرا دیں گے،اسمبلیاں مدت پوری کریں یاپھر90روزہوں، ہم الیکشن کیلئےتیار ہیں ۔
انہوں نے کہا نئی مردم شماری منظورہوجاتی ہےتوقانون کے مطابق فیصلہ کرینگے،حلقہ بندیوںمیں4 ماہ لگیں گے، ہمیں سکیورٹی اہلکار لازمی ملیں گے، پرانی حلقہ بندیوں پر الیکشن ہو گا، الیکشن کیلئے واٹرمارک پیپر لے لیا، تمام اداروں سے رابطہ ہے.
ظفر اقبال نےکہا کہ ڈی آر او اور آراو کے لیے عدلیہ سے رجوع کیا ہے، مواد تیار کررکھا ہے، رجسٹرار ہائی کورٹس سے آراوز کے لیے درخواست کی ہے۔
سیکریٹری الیکشن کمیشن عمرحمید نے صحافیوں سےغیررسمی گفتگو کرتے ہوئے کہا کہ انتخابی اصلاحات کمیٹی کوالیکشن کمیشن نے 60 سے زائد سفارشات دی تھیں، میری معلومات کے مطابق ہماری تقریباً ساری سفارشات مان لی گئی ہیں۔
انہوں نے کہا کہ جب تک باضابطہ سفارشات منظورنہیں ہوجاتیں اس وقت تک کچھ کہنا قبل از وقت ہوگا ۔الیکشن کمیشن عام انتخابات کے انعقاد کے لئے تیارہے ۔