مسجد الحرام میں غلاف کعبہ کی روح پرور تقریب کا آغاز

مسجد الحرام میں غلاف کعبہ کی روح پرور تقریب کا آغاز ہوگیا ۔
روح پرور تقریب میں کسوہ فیکٹری کے ماہر کاریگر ،ہزاروں عمرہ زائرین ، نمازی اورتقریب میںپاکستان سمیت دیگرممالک کےسفارتی افسران غلاف کعبہ کی تقریب دیکھنےکیلئےموجود ہیں ۔
غلاف کعبہ مجموعی طور پر16 حصوں پرمشتمل ہے ،کسوہ کی لمبائی 50 فٹ اور چوڑائی 35 سے 40 فٹ ہے، اور وزن 850 کلو گرام ہے اور اس کی تیاری میں 25 ملین ریال لاگت آتی ہے۔
غلاف کعبہ میں تقریباً 700 کلو گرام خالص ریشم، 300 کلو گرام کاٹن، 100 کلوگرام چاندی کا دھاگہ اور 120 کلوگرام چاندی کے تار کا استعمال کیا جاتا ہے۔
سیاہ رنگ کے غلاف پر آیات مبارکہ کے 54 سنہری حصے بھی شامل ہیں ،غلاف کعبہ کی تقریب فجر تک جاری رہے گی۔