مشن انتخابات،وزیراعظم سے آصف زرداری اوربلاول بھٹو کی ملاقات

تفصیلات کے مطابق پاکستان پیپلز پارٹی کے شریک چیئرمین اورسابق صدر آصف زرداری اور چیئرمین پی پی پی بلاول بھٹو شہبازشریف سے ملاقات کیلئے وزیراعظم ہاؤس پہنچے، جہاں وزیر اعظم نے دونوں رہنماؤں کا استقبال کیا۔
باخبر ذرائع کے مطابق ملاقات میں قومی اسمبلی کی تحلیل ، نگران حکومتوں کےقیام اورآئندہ عام انتخابات کےحوالے سے سیاسی حکمت عملی پر بھی مشاورت کی گئی ۔
ملاقات میں وفاقی وزراء اسحاق ڈاراورایازصادق بھی موجود تھے،ایاز صادق نے انتخابی اصلاحات سے متعلق کمیٹی کی سفارشات پربریفنگ دی۔
ذرائع نے بتایا کہ وزیر اعظم نے پی ڈی ایم اوراتحادی جماعتوں سے مشاورت کا فیصلہ کیا ہے ،جس کیلئے پی ڈی ایم اور اتحادی جماعتوں کا اجلاس رواں ہفتے بلائے جانے کا امکان ہے ، اوراس اجلاس میں قومی اسمبلی کی تحلیل کی تاریخ طے کئے جانے کاامکان ہے۔