چاند نظر نہیں آیا ، یوم عاشور 29 جولائی بروز ہفتہ کو ہوگا

نئے اسلامی سال کا چاند نظرنہیں آیا ،لہٰذایکم محرم الحرام 20جولائی جمعرات اوریوم عاشور 29 جولائی بروزہفتہ کوہوگا۔
چیئرمین مولانا عبدالخبیر آزاد کی زیر صدارت کوئٹہ میں مرکزی رویت ہلال کمیٹی اجلاس ہوا۔ جس میں مرکزی رویت ہلال کمیٹی، زونل کمیٹی کراچی کے ممبران سمیت وزارت مذہبی امور، وزارت سائنس اینڈ ٹیکنالوجی اورسپارکو کے ممبران شریک ہوئے۔جبکہ زونل رویت ہلال کمیٹیوں کے اجلاس اپنے اپنے مقامات پرہوئے ۔
اجلاس کے بعد چیئرمین مرکزی رویت ہلال کمیٹی مولاناعبدالخبیرآزاد نے اعلان کیا کہ ملک بھرسےچاندکی کوئی شہادت موصول نہیں ہوئی،لہٰذایکم محرم الحرام 20جولائی بروز جمعرات اوریوم عاشور 29 جولائی بروزہفتہ کوہوگا۔
یادرہے کہ محکمہ موسمیات نے محرم الحرام کا چاند آج یعنی 29 ذوالحج بروز منگل نظر آنے کی پیش گوئی کر رکھی ہے۔
محکمہ موسمیات کا مزید کہنا تھا کہ چاند کی پیدائش 17 جولائی کی رات 11 بج کر 32 منٹ پر ہوگی اور چاند نظر آنے کے دوران ملک کے بیشتر حصوں میں بادل چھائے رہنے کا امکان ہے۔
دوسری جانب عرب میڈیا رپورٹس کے مطابق سعودی عرب میں نئے اسلامی سال کل شروع ہوگا۔