ایک سال میں دنیا کے پانچ سو امیر ترین افراد کی دولت میں اضافہ ہوا ، بلوم برگ

بلوم برگ کی جانب سے ارب پتی افراد سے متعلق رپورٹ جاری کردی گئی، جس کے مطابق دنیا کے پانچ سو امیر ترین افراد کی دولت میں اضافہ ہوا ہے۔
بلوم برگ انڈیکس میں ٹویٹر کے مالک الون مسک کا پہلا نمبر ہے،جن کے پاس دوسو اڑتالیس اب ڈالر کی دولت ہے،جس میں ایک سال میں ایک سو گیارہ ارب ڈالر کا اضافہ ہوا۔
ایمازون کمپنی کے مالک جیف بیزوس کی دولت میں باون ارب ڈالر کا اضافہ ہوا۔جس کے بعد ان کے اثاثوں کی مجموعی تعداد ایک سوانسٹھ ارب ڈالر ہوگئی۔
مائیکرو سوفٹ کمپنی کے مالک بل گیٹس کی ایک سال میں دولت ستائیس ارب ڈالر بڑھ گئی اور اب ان کے اثاثے ایک سوچھتیس ارب ڈالر ہوگئے ہیں۔
فیس بک کے مارک زکربرگ کے اثاثوں میں بھی سڑسٹھ ارب ڈالر کا اضافہ ہوا،اب ان کے پاس دولت ایک سو بارہ ارب ڈالر ہے۔
بلوم برگ انڈیکس میں پانچ سو افراد کی تفصیلات جاری کی گئیں ہیں،جن کے پاس اربوں ڈالر کے اثاثے ہیں۔