لیگی رہنما طارق فضل چوہدری کا بیٹا انزا طارق حادثے میں جاں بحق ہوگیا

اسلام آباد کے سیونتھ ایونیو میں ٹریفک حادثہ ،لیگی رہنما طارق فضل چوہدری کا بیٹا انزا طارق حادثے میں جاں بحق ہوگیا۔
سیونتھ ایونیو میں طارق فضل چوہدری کے بیٹے کی گاڑی پہلے ڈیوائڈر سے ٹکرائی پھر کھمبے سے ٹکراکر الٹ گئی۔ٹریفک حادثے میں زخمی انزا طارق کواسپتال منتقل کیا گیا۔ مگروہ جانبرنہ ہو سکا۔ انزا طارق کی میت ان کے شہزاد ٹاؤن رہائشگاہ پہنچادی گئی۔
وزیراعظم شہبازشریف نے طارق فضل چوہدری کے بیٹے کے جاں بحق ہونے پراظہارافسوس کیا۔ انزاطارق کی وفات پراہل خانہ سے دلی رنج وغم اور صدمے کا اظہار کیا۔رات گئے وفاقی وزیراطلاعات مریم اورنگزیب،آئی جی اسلام آباد اکبرناصر،ایس ایس پی جمیل ظفراورایس ایس پی ٹریفک طارق فضل چوہدری کی رہائش گاہ پر پہنچے۔ مرحوم کی نماز جناز آج شام چار بجے شہزاد ٹاؤن میں ادا کی جائے گی۔