سائبرسکیورٹی ماہرین نےسمارٹ فون صارفین کو 2 جاسوس ایپلی کیشنزسے خبردارکردیا

سائبر سکیورٹی کے ماہرین نے سمارٹ فون صارفین کو خبردار کرتے ہوئے 2 ایپس فوری طور پر ڈیلیٹ کرنے مشورہ دیدیا،کیونکہ اصل میں یہ ایپس سپائی ویئر ہیں۔
غیرملکی میڈیا رپورٹس کے مطابق ان میں سے ایک ایپ فائل منیجراوردوسری ایپ ’فائل ریکوری اینڈ ڈیٹا ریکوری‘ کے نام سے ایپ اسٹورپرموجود ہے،یہ اصل میں ایپس کی آڑمیں یہ جاسوسی کے پروگرام ہیں۔
رپورٹس کے مطابق پریڈیو نامی سائبر سیکیورٹی فرم نے گوگل کو جب اس سے آگاہ کیا تو فوری طورپرایپ اسٹورنے اسے ہٹا دیا، تاہم اب بھی 15 لاکھ افراد ان چینی ایپ کو استعمال کررہے ہیں۔
میڈیا رپورٹس میں بتایا گیا ہے کہ یہ سافٹ ویئرز اپنے نام کی لاج رکھتے ہوئے کچھ نہ کچھ تو مفید ہیں لیکن یہ ’ڈیٹا اسکریپر‘ پروگراہم ہیں جو آپ کے رابطہ نمبر، ویڈیو، تصاویر، دستاویز کو انسٹال ہوتے ہی آپ کے پتے کو نوٹ کرکے دوسرے پلیٹ فارم پر منتقل کرنے کی صلاحیت رکھتے ہیں۔
تھریٹ فیبرک نامی کمپنی کے ماہرین نے کہا ہے کہ فون کی اسکرین پران دونوں ایپس کے آئیکون نظر نہیں آتے،لہٰذا انہیں ہٹانے میں بھی مشکل پیش آتی ہے،اب ضروری ہے کہ آپ فون سیٹنگز میں جاکر وہاں سے ایپس کی لسٹ میں جائیں اور اسے فوری طور پر ڈیلیٹ کردیں۔
ماہرین نے یہاں تک کہا ہے کہ اس ایپس میں موبائل بینکنگ اکاؤنٹ تک جانے کی صلاحیت ہے اور یہ بینکنگ ایپ میں لاگ اِن ہونے کی معلومات بھی چراسکتی ہیں یہاں تک کہ کریڈٹ اور ڈیبٹ کارڈ کی تفصیلات بھی اچک کر اپنے استعمال میں لاسکتی ہیں۔