وفاقی وزارت داخلہ کا بڑا اقدام، پورے ملک کی سینٹرلائزڈ ڈیٹا حب تیار
ملک بھر میں کون شہری یا غیر ملکی خصوصاً مجرمانہ ریکارڈ رکھنے والا کہاں ہے؟ کرتا کیا ہے؟ سفر کہاں کہاں کیا؟ کس ہوٹل میں کتنا قیام ہوا؟ گاڑی کون کون سی رکھی ہے اور اسلحہ کونسا ؟ وزارت داخلہ کے احکامات پر وفاقی پولیس نے تین ماہ کے قلیل عرصہ میں بڑا سینٹرلائزڈ ڈیٹا حب تیار کر لیا
سینٹرلائزڈ ڈیٹا حب میں پچیس اقسام کا ڈیٹا ایک جگہ موجود ہونے پر قانون نافذ کرنے والے اداروں کی بڑی سہولت ملے گی ،تعلیمی اداروں،عبادت گاہوں ، مزارات و درگاہوں ، کچی آبادیوں ، ہوٹلز، ہاسٹلز، رہائشی علاقوں ، کرایہ داروں کی تفصیلات، فورتھ شیڈول کا ریکارڈ شامل ہوگا،ہائی سکیورٹی زونز میں واقع غیر قانونی بستیوں کی بھی نشاندہی کردی گئی ہے۔
ڈیٹا حب تمام صوبوں سے 25 قسم کا ڈیٹا لیکرایک جگہ رکھا گیا ہے، جس سے جرائم پیشہ افراد اشتہاری ملزمان اورکسی بھی جرم میں ملوث لوگوں کا ڈیٹا بھی شامل کیا گیا ہے۔
تمام اضلاع میں رجسٹرڈ گاڑیوں کا ریکارڈ،سفری معلومات ، ہوٹلز میں قیام کا عرصہ ،ریلوے کے مسافروں کی معلومات بھی ڈیٹا حب میں موجود،پاسپورٹ اور اسلحہ لائسنس رکھنے والے شہریوں کی تفصیلات دستیاب ہوں گی ۔
سینٹرلائزڈ ڈیٹا حب تمام سول اور قانون نافذ کرنے والے ادارے استعمال کرسکتے ہیں ۔ جس سے مجرموں کی شناخت،گرفتاری اور حساس علاقوں کی نگرانی میں بڑی سہولت ملے گی۔
.PNG)
