وزیراعظم کا اگست میں اقتدار نگران حکومت کے حوالے کرنے کااعلان

وزیراعظم شہبازشریف نے کہا ہے کہ اپریل2022میں عوام نےہمیں حکومت چلانے کی ذمہ داری سونپی تھی، یہ واحدمخلوط حکومت ہےجومختصرترین مدت کیلئےقائم ہوئی ،اور اب ہم اگست2023میں یہ ذمہ داری نگراں حکومت کےسپرد کردیں گے۔
قوم سے خطاب میں انہوں نے کہا کہ ہم نےسیاست نہیں ریاست کی حفاظت کی، ریاست بچانے کیلئےاپنی سیاست کی قربانی دی ،مشکلات کا سامنا کیا ، مخلوط حکومت نے ایک مثال اورسمت متعین کی، پاکستان کےمفادات کی راہ میں بچھائی گئی بارودی سرنگیں صاف کیں، اورہم نے 4 سال کی بربادیوں کاملبہ صاف کیا۔
انہوں نے کہا کہ معاشی استحکام کیلئے وزیرخزانہ ، آرمی چیف کی کوششیں قابل تحسین ہیں،سفارتی سطح پروزیرخارجہ بلاول بھٹوکی کوششیں قابل ستائش ہیں، پاکستان کومشکلات سےنکالنےمیں محمدبن زاید ک اکردارقابل تحسین ہے،دوست ممالک کاتعاون کبھی فراموش نہیں کریں گے،چین،سعودی عرب اوریواےای کاتہہ دل سے شکریہ ادا کرتا ہوں۔
ان کا کہنا تھاکہ پاکستان ڈیفالٹ کاخطرہ اوران کی ناپاک خواہش مٹی میں مل چکے، وطن دشمن سازشوں کےباوجودہمت نہیں ہاری اورپروگرام بحال کیا،سابق حکمران معاہدہ ناکام بنانےکی سازشوں میں مصروف تھے۔
شہبازشریف نے کہا کہ ہم معاہدےکی بحالی کی کوشش میں تھے ، جبکہ سابق حکومت نے آئی ایم ایف پروگرام سےروگردانی کی ، سابق حکومت نےسخت شرائط پرآئی ایم ایف پروگرام کیا تھا ، معاشی بحالی کےراستےمیں سخت آئی ایم ایف پروگرام تھا ہم نے ووٹ بینک کی نہیں اسٹیٹ بینک میں اضافےکی فکرکی ، ریاست بچانےکیلئے اپنی سیاست کی قربانی دی۔