چوہدری شجاعت حسین کی کیمپ جیل میں پرویز الہیٰ سے ملاقات

سربراہ مسلم لیگ ق چوہدری شجاعت حسین نے سابق وزیراعلیٰ پنجاب چوہدری پرویزالہیٰ سے کیمپ جیل لاہور میں ملاقات کی ہے۔
ملاقات میں سیاسی صورت حال سے متعلق گفتگو کی گئی، ملاقات میں چوہدری سالک اور چوہدری وجاہت بھی موجود تھے، ملاقات سے پہلے ڈاکٹرز نے چوہدری پرویزالہی کا طبی معائنہ بھی کیا۔
خیال رہے تحریک انصاف کے صدر چوہدری پرویزالہیٰ اس وقت منی لانڈرنگ کیس میں جوڈیشل ریمانڈ پر جیل میں موجود ہیں۔ پرویزالہیٰ کو 26 جون کو اینٹی کرپشن کیس ضمانت کے بعد ایف آئی اے نے حراست میں لیا تھا۔
واضح رہے کہ چوہدری شجاعت حسین نے 19 جون کو بھی پرویزلہیٰ سے جیل میں ملاقات کی تھی، دونوں رہنماوں کے درمیان ملاقات ایک گھنٹے تک جاری رہی۔ ذرائع کے مطابق چوہدری شجاعت حسین نےپرویزالہٰی کو ق لیگ میں دوبارہ شمولیت کی دعوت دی تاہم چوہدری پرویزالہٰی نے فی الحال تحریک انصاف چھوڑنے سے انکار کر دیا۔