کشتی حادثہ : ایف آئی اے کا سندھ اور بلوچستان میں انسانی اسمگلرز کیخلاف کارروائی کا فیصلہ
وفاقی تحقیقاتی ادارے (ایف آئی اے ) نے یونان میں تارکین وطن کی کشتی کو پیش آنے والے حادثے میں پاکستانی شہریوں کے جاں بحق ہونے کے بعد سندھ اور بلوچستان میں انسانی اسمگلرزاوران کے سہولت کاروں کے خلاف بڑے پیمانے پرکریک ڈائون کرنے کاچافیصلہ کر لیا۔
ایف آئی اے کراچی، حیدرآباد اور کوئٹہ زون کے ڈائریکٹرز کو کریک ڈائون کے لیے کمیٹیاں تشکیل دینے کے احکامات جاری کر دی گئے ہیں ۔
ایڈیشنل ڈائریکٹر جنرل سائوتھ کراچی کی جانب سے جاری احکامات کے مطابق ہر زون میں قائم کمیٹی سربراہ متعلقہ زونل ڈائریکٹر ہو گا،کمیٹیاں ملوث ایجنٹوں کے خلاف مربوط مہم کی ہفتہ وار کارکردگی رپورٹ ایڈیشنل ڈی جی سائوتھ کو پیش کرنے کی پابند ہوں گی۔
خیال رہے کہ یونان میں پیش آنے والے کشتی حادثے میں لاپتہ نوجوانوں کی تعداد سامنے کا سلسلہ جاری ہے ،اور گجرات کے لاپتہ نوجوانوں کی تعداد 50 کے قریب پہنچ چکی ہے۔
دوسری جانب برطانوی جریدےگارڈین نے پاکستان کے مقامی میڈیا کا حوالہ دیتے ہوئے دعویٰ کیا ہے کہ یونان میں کشتی حادثے کے دوران آزاد کشمیر سے تعلق رکھنے والے 135 افراد سمیت 298 پاکستانی جاں بحق ہوئے ہیں۔
